суббота, 8 января 2011 г.

მასწავლებლები სასწავლო ტურით დიდ ბრიტანეთში გაემგზავრნენ

საქართველოს განათლებისა და მეცნიერების სამინისტროს მასწავლებელთა პროფესიული განვითარების ეროვნული ცენტრის ორგანიზებით, მათემატიკის 10 და ინგლისური ენის 5 მასწავლებელი სასწავლო ტურით დიდ ბრიტანეთში გაემგზავრნენ.
მასწავლებლები ”ნიუ კოლეჯ ნოთინგემში” პროფესიულ ორკვირიან ტრენინგს გაივლიან.

”ნიუ კოლეჯ ნოთინგემი” დიდი ბრიტანეთის კოლეჯების ერთ-ერთი უდიდესი სისტემაა, რომელიც პროფესიულ განვითარებაზეა ორიენტირებული. ქართველი პედაგოგები ნოთინგემში საგნის სწავლების მეთოდიკისა და ინგლისური ენის გაძლიერებულ კურსს დაესწრებიან. დაგეგმილია სემინარები და სამუშაო შეხვედრები ნიუ კოლეჯის პროფესურასთან. ლონდონში, კაპლანის საერთაშორისო კოლეჯში შედგება შეხვედრა ადგილობრივ პედაგოგებთან, რომლებიც სტუმრებს თავის გამოცდილებას გაუზიარებენ .

ქართველი მასწავლებლები დიდი ბრიტანეთის სკოლებსაც ეწვევიან, დაესწრებიან გაკვეთილებს, გაეცნობიან სასწავლო გეგმებსა და სწავლების თანამედროვე მეთოდებს.

კურსის დასასრულს, პედაგოგებს გადაეცემათ სახელმძღვანელოები და სასწავლო-მეთოდური მასალა.

Комментариев нет:

Отправить комментарий